موقع تكافل وكرامة: حكاوى البيوت مع عديلة وعدلات

موقع تكافل وكرامة: حكاوى البيوت مع عديلة وعدلات:   حكاوى البيوت مع عديلة وعدلات تأليــــف محــمـــد الشـــعار     الحمد لله و...

موقع تكافل وكرامة: حكاوى البيوت مع عديلة وعدلات

موقع تكافل وكرامة: حكاوى البيوت مع عديلة وعدلات:   حكاوى البيوت مع عديلة وعدلات تأليــــف محــمـــد الشـــعار     الحمد لله و...

حكاوى البيوت مع عديلة وعدلات

 

حكاوى البيوت

مع عديلة وعدلات

تأليــــف

محــمـــد الشـــعار

 

 

الحمد لله والصلاة والسلام على سيدنا رسول الله صلى الله عليه وسلم

اخوتى واحبتى

 حكاوى البيوت هى قصص حقيقة واقعية وليست من نسج الخيال نسجتها لكم بطريقة سلسة وبسيطة حتى يتقبلها القارئ ويدرك معانيها ويتخذ منها العبر والمواقف حتى لايقع فيها اى شخص ويحاول القارئ الا يفهم فهم الحكايات بمفهوم عقله او ان يلقى بها الاتهام للأخرين وتسول له نفسه بأمور اخرى

واهدى هذه الحكايات الى زوجتى وأولادي ادهم واروى ومريم

اسال الله ان يحفظهم ويرعاهم ويبارك الله فيهم وينبتهم نباتا حسنا

واسالكم  الدعاء لنا بظهر الغيب وان يصلح الله احوانا ويوفقنا الى كل خير

تحريرا فى 1/7/2022

مع تحيات المؤلف

للتواصل عبر الواتساب

ت / 01159043698

 

 

 

 

 

 

 

##حكاوى نسوان##

 ((الحلقة الاولى))

** عديلة افتحى الباب يابت فينك وحشتينى اوى يابنت ابوية حاضر ياعدلات ثوانى ياحبيبتى اهلا اهلا بالغالية حمدلله علي سلامتك ايه كل الفيبة  الطويلة دى اتاخرتى ليه ده كله ياعدلات اسكتى ياعديلة سفرية كانت مطينة بطين ومشوار زى الزفت واخر بهدلة اتشوينا ياختى اوى في سفريتنا لمصر ليه ده كله ياعدلات ايه ال حصل معاكم؟  .. ليه هو انت مسمعتيش اخر خبر والدنيا مقلوبة والصعايدة غضبانين اوى ومتعصبين خبر ايه ده ياعدلات قال ايه الصعايدة ممنوعين من الدخول لمحطة رمسيس يالهوى من امتى الكلام ده وليه الظلم ده كله امال لما نسافر لمصر نكشف اونخلص مصالحنا هننزل فين هى ناقصة بهدلة وتعب ومصاريف دا احنا ياختى شايفين الغلب والعذاب الوان ولما نسافر نقضى مصالحنا هننزل فين ياختى قال ايه هننزل محطة باشتيل وفين باشتيل دى وهننزل فيها ازاى دى قبل الجيزة واسكتى اسكتى بقي من الاستغلال والنصب من السواقين والاستغلال ولا رقيب ولاحسيب هى ناقصة ياعدلات مش كفاية ارتفاع سعر التذكرة والمواصلات قي تانى بهدلة مش عارفة ياختى والله تعبنا والظروف بقت صعبة مش عارفة نلاقيها من ايه ولا من ايه من فواتير الكهربا ولا الميه ولا الغاز ولا إرتفاع الاسعار واحنا الصعايدة مهمشين اوى ولاصوت ولا قيمة لينا خلي الرجالة تلبس طرح وتسكت لغاية ماننداس اكتر من كدة ليه التفرقة العنصرية دى قبلي وبحرى فين ياختى اعضاء مجلس الشعب فين وفين تعبنا خلاص وفاض بينا ياعديلة المرتب بتاع الراجل مابيكملش اسبوع ويخلص والدنيا كلها واقفة في المعايش والظروف بقت طين وهباب بش ياختى قولي الحمد لله احنا برضول احسن من غيرنا في ناس بتاكل من الزبالة ومش لاقية تاكل وفي يتامى وارامل كتير مالهومش دخل شهرى يعيشوا بيه لا خول ولاقوة الا بالله ربنا ياختى كبير وشايف ومطلع اسكتى ياعدلات احنا نستاهل اكتر من كدة عمايلنا سودة ومطينة من لعمالكم سلط عليكم مالناش خير في بعض وبقينا نحقد ونكره بعض والاخ بيعادى اخوه ويعوق ابوه ومفيش صلة رحم وكله بيحسد بعضه ومشغولين بعيوب غيرنا ونسينا نفسنا وعيوبنا ومقصرين في حق ربنا والدنيا شغلتنا عن الاخر ة ربنا ينجينا ويحفظنا ويخرجنا من الدنيا بسلام يارب ياختى زعلتينى اوى مش كفاية الهموم ال فوق همومنا امتى الفرج بقي قريب قريب اوى كل ماتضيق اوى هتفرج بس احنا نصلح نفوسنا ونصفى ضمايرنا وقلوبنا ونتوب الي الله واكيد ربنا هيرخمنا يارب ياختى اسيبك بقي اروح اشوف الراجل ابو العيال اروقه وافرفشه لانه مزعبل ومتعصب وشايل الدنيا فوق راسه اروخ اهون عليه شويه وادلعه يمكن يفوق ويروق سلام ياحبيبتى اشوف وشك بخير دخلت عليكى بالصلاة علي النبي سلام ياحبيبتى في رعاية الله وحفظه ومتتاخريش عليا هستناكى قريب سلام سلام

***************************************************

الحلقة الثانية ## حكاوى نسوان  ##

ايوة مين علي الباب افتحى يابت ياعديلة انا عدلات  ؟  عدلات.... خطوة غريية ياختى مش عوايدك تيجى بدرى كدة لعله يكون خير... في ايه ياعديلة ده بدل ماتقولي كتر خيرك ياختى جيتى تطمنى عليا..... ههههههه. بهزر معاكى يابت لكن قوليلى ياعديلة عملتى ايه في مصر واخبار صحتك ايه دلوقتى طمنينى ياغالية.. اسكتى ياعدلات ياختى متفكرنيش  ..؟ دى كانت سفرية مطينة بطين ليه بس قولي الحمد لله في السراء والضراء والدنيا كلها تعب... الحمد لله علي كل حال.. اتبهدلنا اوى اوى ياعدلات نزلنا في محطة بشتيل ومن بشتيل للجيزة ومن الجيزة للتجمع الخامس لما اتهدينا واتهلكنا في المشوار والمصاريف ولما وصلنا شقتنا كانت الصدمة الكبري....؟  ليه ايه ال حصل شوفتى ايه لقينا الشقة كلها مدعوكة زبالة في كل مكان والمفارش كلها وسخة والمطبخ كله مكسر والسباكة بايظة واللمض محروقة والتكييف اتحرق يعنى كانت ليلة من العمر وعملتوا ايه؟.. ولاحاجة نمنا من غير حتى مانغير هدومنا لغاية الظهر يااااااااه كل ده نوم بس اسكتى ده نوم تعب مش توم دلع ضميرك مايروحش بعيد عارفاكى وعارفة ضميرك ده... هههههه.. الله يسامحك ياعديلة فكرك راح لبعيد اوى اااااه ما انت ملكيش غير في المياصة والسهوكة 😂 انا ماشي ليكى يوم..  لكن قوليلي ايه ال حصل في الشقة ومين ال عمل فيها كدة؟؟؟  يعنى انت نش عارفة قرايبك وناسك ومعارفنا اي حد نازل مصر ييحى لا ابو عمر عوزين مفتاح الشقة يخدوه ويبيتوا فيها ليلتين اسبوع ومحدش بيحافظ فيها علي الامانة ولا نظافة المكان ولاحتى بيهتموا مش مال سايب مالهوش اصحاب هيصة ومولد وكله ببلاش...  مش عارفة والله الناس ضمايرها واخلاقها راحت فين مكانتش كدة زمان حاجة غريبة صحيح اها الحمد لله وبعدين ياعديلة بقولك اتهدينا علي ماوضبنا الشقة وصلحنا كل حاجة بايظة وتقولي الفلوس فيها سبيرتوه بتطير طييييير رحنا تانى يوم المستشفى من الفجر عشان نحجز مكان ونلحق الدكتور الاستشارى ويحدد ميعاد العملية ونبص نلاقى امم من الناس وطوابير مالهاش اول من اخر حاجة تحزن القلوب كل دى ناس مريضة وتعبانة يااااااه دا احنا في الصعيد رحمة مهما ان كان في كل حاجة واقل حاجة تكفينا وتراضينا الحمد لله علي نعم الله وفضله... وبعدين يابت عملتى ايه..؟ العمل عمل ربنا ياختى ربك كريم مع الغلابة ربنآ كرمنا بواحد ابن حلال قام معانا بالواجب الله يباركله في صحته

***************************************************

## الحلقة الثالثة## من حلقات) حكاوى نسوان)

الووووووو ياعديلة في ايه مالك بتبكى ليه الحقينى ياعدلات بس ماتفوليش حاجة لبابا ااقفلي التليفون وهجيلك بسرعة في انتظارك يابنت ابويا تعالي ماشي حاضر....انا في الطريق اهو.... بااااااى.... افتحى الباب ياعدلات.. جيتى ياعديلة؟ ااااااااه..  بتبكى ليه يابنت انت في ايه عيونك مغرغرة ليه كدة علي خدودك اول مرة اشوفك بتبكى كدة ياحبيبتى ايه ال حصل لكل ده فهمينى طييب بس بقي كفايه عياط تعالي في حضنى واهدى شوية اسم الله عليكى ياختى مين ال زعلك كدة  اوعى يكون المنيل جوزك يكون مد ايده عليكى او شتمك دا انا اشرشحله هنا وابهدله ليه هو نسس نفسه ولا ايه ولا هو نسي متجوز بنت مين ولا مناسب مين... يسلام هى وصلت لكدة ده حفى وريقه نشف عشان يتجوزك.... اصبرى ياعدلات افهمى الحكاية من البداية وانت احكمى بس عشان خاطرى محدش يعرف ولاحتى ماما قبل ماالموضوع يكبر مانعرفش نلم الحكاية... وجوزى معذور مالهوش ذنب ياعديلة مايعرفش حاجة..؟ امه الولية الخرفانة  هى السبب مرة غيارة وحقودة وكارها نفسها فاكرة خطفت ابنها واخدته منها ومش فاهمة ايه الفرق بين حب الام وحب الزوجة ومتعرفش واى شخص متزوج بيهتم بمراته وبيقعد معاها وقت طويل ووقته مع امه بيقل بعد الزواج.... بتقولي ايه ياعدلات ماهى اتجوزت واخدت الواد من امه ولا هى خلفت ازاى يعنى بالبلوتوث. هههههه 😂 بس  ياعديلة كل حاجة واخداها هزار مش وقته كلامك الفاضى ده فعلا ياعديلة انا تعبت وزهقت من حماتي عمايلها سودة من سيعت ماتجوزت ولدها ولا كانى اخدت منها ورثها كل يوم تختلق مشكلة وتسلط في جوزى وهو ماشي علي هواها ومسلم ودانه ليها وعاوز يراضيها علي حسابي وكل يوم بيعكنن عليا عشان يرضى امه من غير مايتبين ويعرف الحقيقة و اول مايدخل الشقة يزعق وينتر واف وبوف وبهدلة وشتيمة لغاية ما انا جبت اخرى منه مش شايف الحقيقة وبيسمع لى امه واخته العقربة ال قاعده في البيت ومفيش عريس جايلها وبتهرى وبتشطشط في نفسها وعوزة تخرب علي اخواته وتعكنن عليهم وايه ياعديلة اول ماتسمع اخوها بيشتمنى ويزعق معاية تشغل الاغانى باالصوت العالي وتغنى وترقص ده ال هياخدها وقعته طين وامه داعيه عليه بنت كلها سم واخداه من امها مش عارفة ياعديلة اراضيهم ازاى مع انى قايدة صوابعى العشرة ليهم شمع والله ومش مفصرة معاهم ابدا وبيدخلوا شقتى وكل يوم يبهدلوها ويفتشوا في كل الشقة ويكونوا متعمدين يوسخولي الشقة ويتعبونى واول ماييجوا علي التلاجة يفتحوها ويشوفوا فيها ايه ويخلصوا علي كل ال فيها هى وامها واولاد بناتها كمان....  يسلام وانت ساكتة علي كدة وراضية ايه ياعدلات انت هبلة ولا بتستعبطى؟... شقتك ليها احترامها ال يدخلها يدخلها بادب واحترام وال عاجبه عاجبه وال مش عاحبه اعلي مافي خيله يركبه... لازم توقفيهم عند حدودهم هى وصلت لكدة ايوة والله ياعديلة واكتر من كدة... وكمان بييجوا ويدخلوا عليا الشقة وانا نايمة ولابسة لبس البيت ويشوفوا لبسي في شقتى وانا لسة عروسة مش عارف ادلع ابدا ويقعدوا يتريقوا ويلقحوا عليا في الكلام لبعضيهم ويقولوا معصعصة وناشفة وفرحانة بنفسها لما زهقونى ونبهت علي جوزى وقلتله ماينفعش يدخلوا علي شقتى وانا نايمة والبيوت اسرار عيب كدة يقولي يعنى امنع امى من بيتها ولا امنع اخواتى البنات وكل يوم نج ووجع قلب قرفونى ياعديلة والله والله بنزل كل يوم الصبح انزل شقتهم انضف واروق والهانم العقربة اخته تسهر الليل كله علي الفيس والتوك توك وتسليط في امها عليا وتصحى العصر وانا الخدامة بتاعتهم ومش بلاقي منهم الا الاهانات وقلة الادب وبقول دى مهما كانت امه واخته وبصبر مش عارف اعمل ايه معاهم وعوزين منى ايه بالضبط بمسح وبنضف وبغسل وبطبخ والعقربة اخته قاعدة هانم تؤمر وتنهى قال ايه دلوعة البيت واخر العنقود... عنقود يقطع فرطها دى بنت مش هتشوف عدل ابدا ضميرها مطين وقلبها اسود هى وامها رغم ان نجلاء مرات اخوهم عادل بتديلهم بالحزمة وبتبهدلهم ومطلعة عنيهم ومش بتخط ايدها قي اى حاجة عندهم ومانعة اى حد يدخل شقتها ولا حتى يلمسوا حاجتها ومفيش حد يقدر يرفع عينه فيها ولا يكلمها ولا سقدر يتجرأ لا صغير ولاكبير والله مديالهم بالجزمة والكل بيخاف منها ويعملولها الف حساب.... شوفي الفرق بقي ياعديلة ال يعاملهم بما يرضى الله بيعملوا في ايه هو بنات الناس والاصول كدة يتهانوا ويتبهدلوا ومابيخدوش راحتهم في شقتهم ولا يدلعو مع ازواجهم ويعيشوا حياتهم ويخربوا البيوت ليه كدة وخايفة ما احكي لماما وبابا والدنيا تولع وبحكيلك انت ياختى انت سندى ودهرى وسرى قوليلي اعمل ايه واتصرف ازاى واديتى الحل المناسب ال يرضى ربنا بدون مانظلم او نتظلم ونعيش حياة مستقرة بدون اى مشاكل وبيوتنا تخرب قولولى انتم ياجماعة يالي متابعين حكايتى وشوفتم مشكلتى ومنتظرة حلولكم واقتراحاتكم وتعليقاتكم واتتظرونى يوم الخميس مع حكاية من حكاوى نسوان فتابعوناااااااااا$$$$

 

 

                                    

 

 

 

(حكاوى نسوان) الحلقة الرابعة......****

ااااااااه من كيد النسوان ومن حقدهم لما الواحدة تغير وتتعفرت من عديلتها مرات اخو جوزها ويكونوا في بيت واحد ومتخالطين ياااااااااه اسكتى ياعدلات متفكرنيش.... كانت ايام سودة شوفتها وعشتها من اول زواجى لغاية ما ربنا كرمنى وبقيت لبيت وحدى الحمد لله الهى مايعيدها دى ايام ويكفينا شر الحقد والكره والغيرة يااااااااه ياعدلات.....  اخيرا سكنت بعيدة عنهم وعن عيونهم؟؟؟؟؟  ربنا يجازى كل واحدة بضميرها ونيتها قادر ياكريم ويورينا فيهم يوم في الدنيا قبل الاخرة ويشفي صدورنا..... يااااااااارب.... كفاية ياعديلة؛؛؛ سامحى واغفرى وانسي؟؟؟ نعم ياعدلات اسامح واغفر وانسي لمين.. لنجوى... ام قلب اسود ومسموم... الهى يارب في الجمعة تسمع انيني ووجعى منها وتبتليها بكل بلاوى ومصايب الدنيا حراااااام عليكى ياشيخة كفاية بقي؟؟؟  اااااااااه ياعدلات اااااااااه دى كانت في عز ايام فرحى وبداية زواجى تتفنن في النكد عليا مع جوزى وتتامر مع اخواته البنات وتختلق في مشاكل وكلام ليس له حقيقة وتولع في الدنيا وفي البيت وهى ياختى ولا علي بالها تيجى تشغل في الاغانى وترقص وتكيد فيا... اها ربنا كرمك بالمال والبيت والاولاد والصحة والستر وربنا نصرك عليها وربك علي الظالم والمفترى مهما طالت الايام ياعديلة ياختى والله والله عين الله لاتنام ومفيش حق بيضيع عاجلا او اجلا ربك منتقم واقسم سبحانه لدعوة المظلوم وقال وعزتى وجلالى لانصرنك ولو بعد حين... يارب يارب ياعدلات ياختى... حسبنا الله ونعم الوكيل... اشوف فيها يوم ياجبار يامنتقم،،،، بس كفاية بقي دا انت قلبك اسود وكله غل ايه ده اتغيرتى ياعديلة كتير اوى ليه كل ده؟؟؟؟  اااااه ياعدلات ااااه لو شفتي ال انا شفته من نجوى مراة اخو جوزى وعشتى الايام السودة ال انا عشتها كنت قطعتيها بالسكين ورميتى لحمها للكلاب دى كانت سبب انها تخرب بيتى واطلق وعيالي تتشرد ~~~ نجوى دى كانت الله لايسامحها تخوض في عرضى وتشوه في سمعتى وهى لاصلاة ولاصوم ولا لبس يستر جسمها ودايما كانت بالمكياج والاحمر والاخضر واللبس المحزق العريان وتسهوك مع جوزى وابوه وتسهتن سهتنة وتمثل بالدموع وايه في ثوانى تعمل المصيية وتتبرى منها وتلاقي دموعها علي خدودها وكانها هي المظلومه ياااااه ياعدلات متفكرنيش ياختى دى في اول جوازى اتاخرت في الحمل قلبت الدنيا وتلقيح في الكلام مع اخواته البنات والجيران وانى عاقر مابخلفش وعايرتنى كتير حتى قدام جوزى واخواته وناسه واختلقت مشكله ودعت عليا قدام الكل بعدم الخلفة طول حياتى واكون عاقر وسخنت الدنيا مع ام جوزى واخواته البنات وكانت تقعد توسوس مع ابوى جوزى وسمعتها كتير اوى وهى تقول عنى عقيمة وعاقر ولازم جوزى يتجوز عليا ويخلف ويتسند بالعيال والنار كانت تقيد في قلبي ❤ والكل بيسمعلها ومسلم ودانه ليها.... ياااااااه اسامحها ازاى وتقولي انسى كل الايام السودة دى ياعدلات ياختى؟؟؟  انسي فى فرحتى وربنا رزقنى بالحمل يعد عذاب وعناء واذى وكثرة القيل والقال والاشاعات ال كانت تروجها والمشاكل في الليل والنهار دى يااااما فضحتنى وجرستنى وانا ال بتاعت المشاكل وانا ال وحشة وانا وانا يااااااه بتفكرينى ليه ياعدلات.. حسبي الله ونعم الوكيل... عمرى ماهنسى يوم ولادتى وربنا كرمنى ببنتى فرحة ورزقنى بيها وهى تمصمص مع اخواته البنات وتشوح بيدها يمين وشمال وتقول دى خلفتها بنات من اولها وقلبت الفرحة هم وغم ونكد ♡♡♡ انسي ايه ولا ايه ياعدلات ياختى انسي لما  كنت  لسة عروسة وكانت تطلع في الاشاعات وانى بلبس اللبس العريان والمحزق والملزق قدام ابو جوزى واخواته واتسهوك قال في الكلام معاهم وجوزى مش مالى عينى ♕♕♕دى يااااما قالت وعادت ياعدلات وعيزانى اسامحها وانسى واغفر ليها كل ال هى عملته انا فوضت امرى لله والحمد لله ربنا كرمنى ونصرنى وكشف الله الحق من الباطل ومين هو الظالم ومين المظلوم ومين هى الفاجرة وخرابة البيوت الناس عارفة وشايفة وكله عارف الحقيقة يس نقول ايه ولا ايه كل يبكى علي ليلاه وكل البيوت فيها ال مكفيها والحيطان هى ال بتستر والمراة اما تعمر واما تدمر اما تفرق بين الاهل والاخوات والاحباب واما تجمع وتداوى كل الجراح وربنا يجازى كل انسان بعمله ونيته وضميره في الدنيا قيل الآخرة وفوضت امرى لله وحسبنا الله ونعم الوكيل وكفايانا كدة النهاردة ياعديلة الحلقة القادمة نحكى ونكمل بلاوينا ونشوف بقي ايه هى تعليقات كل ال متايعنا دايما ومشاركنا فى قرحنا وحزننا مع)) حكاوى نسوان)) تابعونا وشاركونا ونحن بانتظاركم مع تحياتنا لكم والي لقاء في الحلقة القادمة بمشيئة الله في رعاية الله وحفظه نستودعكم الله♥

(الحلقة الخامسة)  حكاوى نسوان##

الزوج الضعيف##*** الحمد لله يارب علي كل حال رضينا بنصيبنا وقضاءك.... خير ياعديلة ياختى لاوية بوذك كدة ليه افرديها عشان ربنا يفكها علينا الراجل مايبحبش كدة دايما كدة مكشرة وراكبك مليون عفريت الراجل يحب لما يرجع بيته يلاقي مراته مبتسمة بشوشة متزينة تهونى عليه هموم الدنيا وتنسيه الدنيا ~~~ راجل ايه بس ياعدلات بلا كافية كنا بنحلم ونتخيل واحنا في الجامعة اننا لما هنتجوز هندلع ونتفسح ونهيص ولينا مملكتنا وحياتنا الخاصة ال كلها سعادة كل احلامنا صارت اوهام وافلام خيالية ليس ليها اصل من الحقيقة بقينا نتحمل مسؤلية كبيرة فوق كتافنا ده احنا كنا في بيوت ابونا واخدين رحتنا وبندلع اخر دلع وكمان كنا بنتنطنط اوى بس النصيب وسنة الحياة انا مش عارفة ازاى كنت بحب الراجل ده واصريت علي جوازه وايام الخطوبة عملي البخر طحينة ولما اتجوزت لا لقيت البحر ولا لقيت الطحينة ياعدلات ياختى...  يابت ياعديلة قولي الحمد لله وارضى بنصيبك وماتتمرديش علي نعمة ربنا احنا احسن من غيرنا وربنا وصانا بشكر النعم حتى لاتزول منا ونقول ياريت ال جرى ماكان.. عديلة قوليلي ياختى ايه ال حصل بس كنت زى الفل الاسبوع ال فات.. ااقول ايه ياعدلااااات ولا ااقووووول ايه... ااقول ياوكستى دا انا طلعت بنت هبلة وعبيطة ومغفلة ااااه والله دا اتضح ياعدلات انى مش هو ده ال اتجوزته وال كنت اعرفه ايام الخطوبة ده طلع جوزى بلاص مش لا بيهش ولا بينش ولا له اى لازمة اوكلمة اوشخصية نهائي... يااااااااه مكنتش اتصور انه بالشخصية دى الواحدة تحب جوزها قوى له  هيبة وكلمة و صاحب قراره بما يرضى الله دون ان يظلم او يتظلم علي الاقل حتى يكون علي الحياد مش اوى كدة اسكتى ياعديلة كل الرجالة كدة مش جوزك بس.. لا لا لا جوزى ماوردش كل الناس خيبتها السبت وانا خيبتى موردتش علي حد ياعدلات تتصورى ياختى والكلام ده لاول مرة هقوله بس بعد مافاض بيا... طهقت من الوليه امه... النهار كله من الفجر تلاقيه قاعدة عند مدخل العمارة للى رايج وجاى وال داخل وطالع حتى اصحابي بقيوا يخافوا ماييجوا واهلي رجلهم انقطعت من عندى بسببها كل ال يدخل العمارة تقوم زيي العفريت من علي الكنبة وتساله رايح فين ولمين وليه وانت مين وبنت مين واساله تفور الدم ولا كانى ساكنة في المخابرات... ياريت كدة وبس مش قادرة اعزل واستقل في شقتى زىى باقي البنات وياريت مسموح لينا باكل في شقتنا كله عندها تحت في شقتها دا ساعات كتيرة يكون جوزى مسافر او في الشغل مابيبقاش عندى اكل في الشقة والجوع بيزيد اوى بالليل وكله نايم وبتكسف انزل واخد حاجة من تحت ونبهت علي جوزى وكلمته كتير يقولي بكل بروووود احنا نظامنا كدة انت جاية تفرقي العيلة مع انه اخوه خالط معانا تحت وتلاجته كلها مليانة وساعات مراته بتاكل فوق مش بتنزل تحت ولما بتنزل تنزل ايام الطبيخ وتنزل امتى تتصورى ياعديلة اول مابنحط الاكل وايه اللهم صلي على النبي بدون حسد طوفان طوفان وايه تختار الخلاصة في الاكل وتتسهوك لحماية ولازم تقعد جنبه واحنا بناكل وتقوله كل كويس يابابا خلي بالك من نفسك وصحتك وتاكله بايدها في اول الاكل ومرارتى هتنفقع وهو ينكشح ياختى ويقعد يزغط فيها زى البط وتطلع شقتها بعد الاكل علي طول عشان ماتغسلش مواعين ولاغيره واول مانخلص تنزل وااقول لجوزى شايف مرات اخوك واخوك بيعمله ايه انت مش شايف ولا بتشوف ياراجل يقولي انت مرة غيارة شوفتى عمايله السودة وايه كمان ياعدلات كل حاجة بتحصل في شقتنا مع بعض حتى ولو عملت نفسي زعلانة يحكيها لامه وامه تحكي لبناتها ويعملوا عليا حكايات ومووايل والادهى من كدة عشان تشوفي البلاوى ياعدلات انا ورايحة الشغل الصبح لقيتها قاعدة وبصبح عليها صباح الخير ياماما الولية القرشانة ترد عليا وتقول من برة هل هله ومن جوة يعلم الله استغربت اوى من كلامها حسيت انها بتلقح بسالها في حاجة ياماما تتصورى تقولي ايه وتشوفي عمايل جوزى الواحدة ال بتتزوق وهى رايحة الشغل تشوف نفسها وتنضف وتسعد جوزها مش تقعد كدة بخرة انا ياحماتى بخرة والله عصبتنى واتنرفزت واتعكننت في الشغل دا انا كل يوم با اخد شاور وبنضف نفسي وباخد بالي من كل حاجة تسعده يقول لامه كده ده هو ال معفن مش عاوزة اتكلم بس ييجى عرقان من برة وريحته يعلم بيها ربنا زىى الجدى المخصى وبقه كله سجاير وحاجة تقرف ااقوله قوم استحمى ولا كانه بيسمع وعاوز يدلع علي خيبة ايه مش عارفة في حاجت كتير اوى والله ياعدلات حتى علاقتنا ببعض بيحكيها لامه ينفع كدة والنبي عليه افضل الصلاة والسلام  حذر من افشاء سر هذه العلاقات وكمان عليه افضل الصلاة والسلام قال ان المراة تحب ان يتزين لها زوجها كما يحب ان تتزين هى له... وبعدين يرموا العيب علينا احنا وفينا كل العبر ونعمل اد مانعمل وفي الاخر  لاشكر ولاجميل بس احنا بنرضى ربنا فيهم عشان ربنا يكرمنا في عيالنا وبناتنا وربنا يجازى كل واحد بعمله بس الا كشف ستر اسرار البيوت وعوراتها عيب والراجل يبقي راجل في كل حاجة من غير مايعصى والديه ولا يعوقهما كل حاجة ليها حدود انا مش بمنعه من بر امه وطاعتها لا ده كدة بيخالف شرع ربنا وبيخرب بيته القرار قرار الراجل مش المرة والرجال مهما ان كان قوامون علي النساء مش كدة ياعدلات ولا ايه... كدة ياعديلة كلام صح ياختى مااقدرش انكر ولا الوم عليكى ده حقك وشرع ربنا واى واحدة تحب جوزها هو الكل في الكل وصاحب الكلمة والقرار بما يرضى الله وهناك قرق كبير بين حقوق وبر الوالدين وطاعتهما وبين حقوق الزوجة لكن في امهات وناس كتير مش فاهمة كدة.... معلش ياختى طولت عليكى سامحينى...  بس اهو بفضفض معاكى لو كتمت في قلبي هطق وامووووت بعد الشر عليكى ياقلبي يابنت امى وابويا ربنا يحفظ كل اخت لاختها واهلها وازواجها واولادها وكل من يشارك افراحها قبل احزانها اللهم امين....... منتظرين تعليقاتكم ومشاركتكم ورايكم في مشاكل الخياة وكيفية علاجها نترككم في رعاية الله وحفظه

 

 

 

 

 

 

.......الحلقة السادسة ....... من حلقات*** حكاوى نسوان **

(  الانثى والفيس بوك      )

لاحول ولاقوة الا بالله وانا اليه راجعون ...فى ايه ياعديلة ياختى خير ان شاء الله مالك يابت حصل ايه انت كل يوم بمصيبة جديدة قولى بقى ماتخضنيش اكتر من كدة ... هنية مالها احتمال تطلق من تطلق من شحتو ليه كدة بسبب الفيس بوك والنت قطعة فى النت وسنينه من يوم ما دخل بيوتنا وخربها على الكل ناقصين احنا بلاوى البنات والولاد والحريم ليل ونهار مفيش وراهم لا شغلة ولا مشغلة غير الفيس بوك والنت حاجة تجنن وتحير الواحدة ياختى بقت مهملة فى بيتها وعيالها وجوزها ومصالحها والمشاكل اغلبها فى البيوت حاليا على الفيس بوك ده والواحدة منا بقت انانية وملهاش غير مصلحتها ونسيت حقوقه وواجباتها بسبب عدم طاعة الزوجة لجوزها ونسيت ربها والقلوب ياختى قسيت ونسينا حتى الموت ممكن ييجى فجاة ولا احنا هنا ولا بنفكر فية وياريت جات على هنية وامثالها ياعديلة ده حتى بنات الثانوى والجامعة على الواتساب والفيس والايمو وحاجات تانية كتير غير قلة الادب كمان وعدم التربية ومفيش مراقبة من الام ولا الاب والشباب بيعملوا نفسهم بنات عشان يعرفوا يكلموا البنات وتشتغل بقى العلاقات الغير مشروعة والسفالة باسم الصداقة حاجة اخر قلة ادب والعيل مش لاقى ياكل وابوه بيصرف عليه وقاعد فى البيت عالة زيقعد على النت يحب ويتقندل على دماغه ودماغ الا خلفوه والبنا ما بتصدف عاوزة تتجوز فاكرة الجواز خيلة وبتجلم والبنات بيغيروا اوى من بعض حتى فى قلة الادب ويسهروا للصبح ويناموا النهار كله لاتساعد امها ولا كمان تشوف مصالح بيت ابوها من نضافة واكل ومسيح ويوم طين لما الام تقول لبنتها تعالى اغسلى المواعين او روقى البيت كل ده بيحصل ياعدلات واكتر من كدة ياعديلة ياختى ده بسبب الفيس البنات بتتواعد مع الولاد ومقابلات وحب وسهوكة واخر قلة ادب والولد اهم حاجة عنده يرضى شهوته ونزوته ورعبات مفيش اى خوف على البنت وسمعتها والبنت بتستسلم لعواطفها وتصدق فى الوعود الكاذبة والاحلام الوهمية ..... والحل ايه ياعدلات الحل نرجع لربنا ونتوب ونستغفر ونفوق من الغفلة ونحاسب انفسنا ونفكر بعقولنا قبل قلوبنا وسمعة الزوج والاب والاولاد وسمعة الاخ والاخت وسمعة العيلة البنت مثل لوح الزجاج لو انكسر ملهوش تصليح والولد لوغلط واتفضح الناس بتنسى ويقولوا ده شاب طايش بكرة يتجوز ويعقل اما البنت لو غلطت وانكشف سرها واتفضجت سيرتها بتبقى العمر كله على السنة وعقول وافكار الناس ولله الامر من قبل ومن بعد ونتقابل بقى ياعديلة فى الحلقة القادمة من حلقات وسلسلة حكاوى نسوان لطرح كل المشاكل الاجتماعية والاسرية التى نعانى منها كل يوم تابعونا بتعليقاتكم واقتراحاتكم وحلولا جذريا لكل ما نحكيه لكم من ارض الواقع والحقيقة مع تحيات حكاوى نسوان والى لقاء قريب باذن الله نترككم فى رعاية الله وحفظه مع عديلة وعدلات فى حكاوى نسوان

***************************************************

 

 

 

 

 

 

 

 

 

 

 

 

اهلا وسهلا بكم ومرحبا معنا في سلسلة حكاوى نسوان

مع عديلة وعدلات وقصة اليوم في( الحلقة السابعة)

.....# رفقا بالقوارير #...

بسم الله ماشاء الله تبارك الرحمن اللهم صلي علي حضرة النبي ايه الفرحة والبسمة ال علي وشك الصباحية دى ياعديلة ايه ياختى من زمان ماشوفتش بسمتك ولا وشك حلو وقمر زى النهاردة.....  ايه يابت ااقول صباحية مباركة وليلة فل الفل... هههههه 😂 اسكتى بقي ياعدلات انت كدة مفيش في بالك غير الحاجات دى وهو انا لازم اكون فرحانة وسعيدة عشان كدة وبس في حاجات اجمل وارق من ال فى بالك ده..... ياسلام وهى الواحدة بتتجوز ليه وهو بيتجوز ليه عشان يلعبوا كوتشينة مع بعض وصلح وحجلة 😂هههههه😂 عارفة ياختى وفاهمة بس الجواز مش كدة وبس الجواز ستر ونعمة واسرة وكيان واستقرار وصدق رسول الله صلى الله عليه وسلّم حين قال الزوجة للفراش....  وانا مش معترضة علي كدة ودى رغبة وفطرة في كل البشر

واذا دعى الرجل زوجته فابت باتت تلعنها الملائكة حتى تصبح عليه افضل الصلاة والسلام..... تعرفي يابت ياعدلات ياختى... الحب والمودة والرقة والحنان والشغف مع العلاقة الزوجية ليها طعم مختلف وحياة اجمل واسعد بين الزوجين والجواز عمره ماكان علافة وبس.... بل رافة ومودة ورحمة ورفق بالزوحة... لكن من الجهل والفهم الخاطىء ان الراجل يعتقد ان الجواز علاقة وبس واشباع لرغباته دون ان يعطى الزوحة حقها في هذه العلاقة لذا النبي صلي الله عليه وسلم قال الا بكر تداعبها وتداعبك عليه افضل الصلاة والسلام  بصراحة ياعديلة ياختى انا مش فاهمة كلامك ده... يعنى ايه.....  اقصد ان العلاقة الزوجية ليس علاقه بهيمية يقضى الرجل حاجته ويشبع رغبته دون ان يعطى زوجته حقها في مشاعرها واحساسها بانوثتها وقضاء حاجتها واشباع رغباتها حتى تشعر بقيمة هذه العلاقة والاستمتاع بها ولاييشعرها بالنقص والحرمان والاحساس بالرغبة لازم يكون في ملاطفة ومداعبة قبل العلاقة وتمهيد ومقدمات لهذا ....  ان يتزين لها كما تتزين وتتهيء هي له...  وان يغازلها بكلمات الحب ويبتسم لها ويسعدها حتى تكون هى مستعدة له ويطعمها بيده في فمها ويقبلها ويعاملها بالرقة والحنان ويضمها لحضنه حتى تشعر بالامان وهى في حضنه....  ايه يابت ياعديلة الكلام الكبير اوى ده...  وفين الراجل في الزمن ده ال فاضي للكلام ده ويعمل كل ال انت بتقوليه ده..... ورجالة كتير مش عارفة ولا تفهم كدة.... تعرفي ياعدلات....  لو انت قراتى عن حياة رسولنا الكريم صلي الله علية وسلم وكيفية علاقته مع زوجاته..... الله الله.....  فما اعظم رسولنا عليه الصلاة والسلام..... كان يقبل زوجاته حين يدخل ويخرج من داره....  ويلقي تحية الاسلام عليهم حين يدخل ويخرج...  وكان لا يدخل علي احداهما علي غفلة حتى لايرى من زوجاته مايكرهه ويؤذيه...  وكان يطعمهما بيده.. ويلعب معهم وكان يرفق بهما عليه افضل الصلاة والسلام........  عشان كدة انت مبسوطة النهاردة ياعديلة...... شكلها كدة كانت ليلة هنا وسعد معاكى.... 😂هههههه 😂 دايما ياختى اشوفك فرحانه وسعيدة ومتهنية كدة ووشك منور....  عقبال جوزى المنيل مايفهم كده... تقولي ياختى تووووور هايج....  واحيانا نقعد شهور اخوات...... 😂ههههه ينيلك ياعدلات.... يابت انت.. مفيش معاكى غير الهزار واللا مبالاة كدة....  ياختى الواحدة منا عاوزة ايه غير انها تكون سعيدة ومفيش حد ينكد علينا ويعكر صفونا...  ولايبص ويحقد علينا ولا يخرب وربنا يكفينا شر خلقه ياااارب ومن حسن اسلام المرء تركه مالا يعنيه.....  وعدم التدخل في شئون وحياة الاخرين.... صحيح ياعدلات ياختى صدقتى والله..  وبصراحة ياعديلة احسن جلسة كانت معاكى النهاردة من اول حلقة من حلقات حكاوى نسوان علي الله الحلقة ال جاية تكون حلوة وجميلة زى كدة.....  ان شاء الله ياعدلات....  انتظرونا في الحلقة القادمة مع عديلة وعدلات.... بعنوان...   الطير العاشق....  بدور وبدرى...  وهى قصة حب.. بدات.. ولم تنتهى... فانتظرونا وفي انتظار اقترحاتكم وتعليقاتكم مع تحيات.. عديلة وعدلات... في سلسلة حكاوى نسوان والي لقاء اخر..  بمشيئة الله.. نترككم في رعايه الله وحفظه

***************************************************

 

عدنا اليكم في سلسلة حكاوى الصعايدة والتى كانت تسمى من قبل حكاوى نسوان وقد تم تغيير الاسم بسبب ظن البعض ان الكلام موجة لبعض السادة المتابعين لكن الهدف واحد مهما اختلفت الاسماء والشواهد فحلقتنا اليوم بعنوان (بيت العنكبوت) واقصد هاهنا بهذا العنوان ان بيت العنكبوت هو اهون البيوت وليس له اى اساس بل هو من وحي الخيال والاوهام وقصتنا هى قصص حقيقية من ارض الواقع نشاهدها كل يوم حولنا ولكننا نزعم اننا لانرى ولا نفهم فنحاول جاهدين طرح هذه المشاكل علي طريقة القصص فيها بعض من الكتابة الفكاهية حتى لايمل المتابع من قراءتها ولكن نسعى في طرحها حتى نساهم جميعا في ايجاد حلول لها وماهى الاسباب التى ادت الي وقوعها في مجتمعاتنا وحياتنا اليومية فلذا ننوه علي السادة المتابعين والمشاهدين لسلسلة حكاوى الصعايدة المشاركة والتعليق حتى يشاهدها الجميع وتكون انت اداة لعدم وقوع هذه السلبيات الاحتماعية وربما ان تقع فيها في ذات الايام اوربما تعانى منها ولاتجد حلولا لها فانتظرونا..... في... بيت العنكبوت... قريبا باذن الله

 

 

 

 

 

 

 

 

الحلقة التاسعة من سلسلة حكاوى الصعايدة...بعنوان

... ( بيت العنكبوت)..

حوار بين... حسانين ومحمدين... وهى عن قصة  ❤ ساحرة القلوب  ❤ فؤادة  ❤ وعتريس ❤ وااااه  واااه ياحسانين ياواكل ناسك مالك في ايه يافقرى هايج كده ليه ياواكلهم مش قاعد علي حيلك اقعد هنا جنبي ياواكلهم وارتاح كدة وخد نفسك علي ما اعملك الشاى والشيشة وتعمر دماغك ولا اعملك قهوة... ههههههه..  قهوة حتة واحدة ياولد ابوى وكمان شيشة بص يامحمدين يا اخوية انت شغال تقول من الصبح واد فقرى وانا عارفك وفاهمك وكل ال هامك عايز تعرف حكاية الينت فؤادة ساحرة القلوب والولد عتريس العاشق المحنون... صوح كدة ياولد ابوي.... من الاخر ايوة كدة يافقرى ياواكل ناسك صوح الصوح البنت بيقولوا عليها قمر القمر والبدر يخجل من جمالها.... ايوة صوح ياحسانين يا اخويا هى قمر وبس دى بنت مزة وصاروخ دمار شامل... واااااه وااااااه طاب استنى ياحسانين اجيب القهوة والشيشة ونسمع حكايتك كدة بروقان ههههههه روح وتعالي بسرعة هات القهوة والشيشة.. استنى.. اهو ياسيدى طلباتك اشرب قهوتك كدة واتمخمخ واحكيلي كدة  عن فؤادة وعتريس العاشق المجنون... ركز كدة وافتحلي قلبك قبل عقلك فؤادة دى بنت لا بتخرج ولا بتطلع من البيت وفي حالها وملهاش علاقة بحد هنا ولا هناك حتي جيرانهم نادر تعرف حد منهم ادوبك يامحمدين ياخوى تساعد امها في شغل البيت من سيعت ماابوها اتوفي الله يرحمه وهي اما تذاكر دروسها او تساعد امها لغاية مابقيت باش محاسبة اد الدنيا لكن ايه يامحمدين بنت تقول كدة غزالة وهى بتمشي ولا عيونها وسحرها وخدودها تقول حتة قشطة بالسمن البلدى يابووووووى تجنن حتى العاقل ياولد ابوى...... للدرجة دى ياحسانين... اااااااه ااااااه ياحسانين تشدلك نفس شيشة ولا تسمع منى.... ههههههه 😂 شيشة ايه دلوقتى يافقرى كمل قووووول دى هى  ❤ فؤادة ❤ والواد.... عتريس...  عتريس ده ولد السبع قبايل ولد رااااجل اوى وشهم وجدع... يفدى ال يحبه بعمره وحياته وكلمته سيف علي رقبته لا يعرف الغدر ولا الخيانة ولد اصول حتى مع اعداءه... واااااه واااااه ياحسانين... شوقتنى اوى يا اخوية ياولد ابوية وبعدين اااااه يامحمدين لكن عتريس مالوش حظ في دنيته راح العراق يدور علي اكل عيشه ويشتغل واخد فترة طويلة لغاية ماربنا كرمه واشتغل بغاية ماال حصل حصل جات حرب العراق مع ايران والحال اتدهور وكل احلامه طارت بعد سنين طويلة ضاعت من عمره لكن قدر يحوشلوه قرشين حلوين اول مالحرب اشتغلت نزل علي طول للبلد وظبط اموره وبنى بيته وابتدى يفكر في شغل يناسبه ومشروع يؤسس بيه حياته عشان يعرف يتجوز جوازة تهنيه وتسعد حياته وفي يوم من الايام خرج الصبح بدرى يدور علي شقة يفتحها مكتب عقارى واول ماطلع للشارع عينه وقعت علي بنت الحيران وهى طالعة لشغلها هو مايعرفهاش ولا يعرفها انها جارته لانه زر ما انت عارف كان في العراق ولسة جاى والبنت دى كانت لسة عيلة صغير قبل مايسافر.... لكن اول ماشاقها يامحمدين وكان قلبه اقتلع جذوره من بين اضلاعه وبنت الجيران دى طبعا هى ساحرة القلوب فؤادة بنت ابو الحجار.... ايوة هى... قؤاده... كانت ماشية وطالعة من بيتهم لا ليها ولا عليها في هدوءها وحياؤها عينها في الارض تسير بخطى الغزالة التى تزلزل الارض بجمالها الساحر قسحرت عتريس بقلبه سحر العشق المجنون كسحر ليلي لقيس فاردته صريعا هاءما بحبها من نظرة واحده هزت كل كيانه وفى لحظة رفعت فؤادة راسها فالتقت النظرات بينهم كالسهم المتدفق دون اى حجاب فابتسمت بسمة وسارت بطريقها وقلبها يهتز بالخفقان..... وبعدين ياحسانين ايه ال حصل كل ده من اول نظرة.... ايوة ياخوى... البنت بيضة البنت بيضة... وعسولة وقمر اربعطاشر يامحمدين  كمل الحكاية دى حكاية ولا في الاحلام...... ههههههه 😂  اكمل الحكاية.... عيونى ليك ياحسانين يااخوى ياولد امى وابوى..... الحلقة الجاية  اقولك باقي الحكاية عتريس وفؤاده استنى هنا خد تعالي ياحسانين لا كملها دلوقتى.... ههههههه......... دلوقتى مش فاضى وحكايتهم.. بيت عنكبوت... في الحلقة القادمة وتابعنا ياحسانين في سلسلة حكاوى الصعايدة وشاركنا حتى نقدر نكمل المشوار سلاااام ياولد ابوى اشوفك يوم الخميس ان شاء الله فانتظرونا... والي لقاء جميعا يااحباب مع حسانين ومحمدين في سلسلة حكاوى الصعايدة مع..... بيت العنكبوت....

 

اهلا وسهلا بكم مع حسانين ومحمدين في سلسلة حكاوى الصعايدة

... الحلقه العاشرة... بعنوان

♡ ( ساحرة القلوب) ♡

فينك يامحمدين يااخويا من يوم الاتنين وانت اختفيت وشوقتنى ياولد ابوى اسمع منك باقي الحكاية... حكاية؟؟...  حكاية ايه ياولد ابوى؟  ... وااااه وااااه ياواكلهم لحقت تنسى ااااااه افتكرت يااخويا ياحسانين حكاية ♡ فؤاده.. وعتريس ♡ هو انت لسة فاكر ده الحكاية كانت من اسبوع ياخوى.... ما انت ال اختفيت عن العيون ياولد ابوى وكل ما ارن عليك تليفونك مغلق... اخلص واحكيلي باقي حكاية البنت دى ♡ساحرة القلوب ♡ 😂ههههههه حاضر ياخوى ومالك مستعجل قوى اكده... ماانت ال شوقتنى اسمع الحكيوة دى والعاشق المجنون قولي حصله ايه اااااااه ياحسانين... البنت حلوة وامورة ولهطة قشطة والواد مخه اتلحس او ماشافها وعقله كان هيطير سحرها جذب قلبه من اول نظرة ومن بسمتها الرقيقة ال هزت كل كيانه واججت مشاعره والهبت كل احاسيسه واشعلت نيران الحب في قلبه واه واه واه ياواكلهم... كل ديه من اول نظرة ااااااه ياخوي من اول نظرة.... اول من ماهو خرج من بيته ويدور علي شقة يعمل قيها مشروعه كانت هى طالعة من بيتهم تسير بخطواتها كالغزال....  غزال ايه ياولد ابوى قووووول مليكان قووووول قمر قمر 😒😒 ااااااه وبعدين يافقرى حصل ايه.... التقت بينهما النظرات... واجتمعت بينهما القلوب وتلاقت بينهما الارواح وكانه طائر 🐦 يطير في افق السماء وهو لايعلم انها فؤادة بنت ابوالحجار ال جيرانه وكانت عيلة صغيورة قبل مايسافر ويتغرب.... ااااه وبعدين يامحمدين... ظل عتريس واقف مكانه مش عارف يفكر ولا هو رايح وين ولا عاوز ايه اتشل كل تفكيره وفجاة تذكر مشروعه فاستيقظ من توهانه وخرج مسرعا وعقله يفكر في فؤادة وكانت هى قد سابقته بخطوات ومن مسافة قريبة منه وعندما راهااااا تسير امامه فقد اتزانه وكاد ان يقع فهم هو امامها بسرعة وهو يجرى قي خطواته كى ينهى مشروعه ويجهز مكتبه العقارى الاستثماري فالتقى بصاحب العمارة وشاهد الشقة فاعجبته واتفقوا علي سعر الايجار واستلم مفتاح الشقة وتركه صاحب العمارة وظل هو في شقته الجديدة يحلم بمشروعه وكيف سيجهزه وبينما هو كذلك تذكر فؤادة وسحرها وجمالها ونظرة عيونها وبسمتها الساحرة وانوثتها التى تختلف عن الاخرين فهى في عيونه يراها اجمل زهرة في بساتين الزهور ولايرى مثيلها واخذ يفكر ويردد بصوت عالي ياترى هي بنت مين وما اسمها وماعنوانها وماعملها ومؤهلها وكم عمرها وكيف لي اراها وهل هى مرتبطة ام لا.... بس ياعتريس كفاية تفكير هتجنن ليه كدة يمكن متجوزة اومخطوبة هو انت مخك هيتجنن ليه كدة عليها هى اول ولا اخر بنت فوووووق ياعتريس من اولها كدة قلبك 💚 بيدق قي ايه ياعتريس وفجاة توقف عن التفكير واتذكر علاج امه فانتفض قائما وهم مسرعا وخرج من شقته واغلق باب الشقة بالمفتاح وهو في اشد السعادة لحصوله علي الشقة ولرؤيته لساحرة القلوب التى لايعرفها من هى ومن تكون واين سيراها وبينما هو يستدير من امام باب شقته راى مالم يكن يتوقعه اويتخيله او يكن فى حسبانه وتفاجئ بما هو ادهشه.... ياترى ماذا قد حدث وماهى المفاجاة هذا ماسنعرفه في الحلقة القادمة ان شاء الله فتابعونا وشاركونا..... واااه وااااه يامحمدين ياخوى رايح وين استنى كمل الحكاية ايه ال حصل ياولد ابوى.... الحلقة الجاية ياحسانين اكملك باقي الحكاية معاى مشاوير كتير والحكاية ياخوى كبيرة واخرها مراة وعتريس اتجنن غير ما انت متوقع.... المرة الحاية اكملك الحكاية سلام ياولد ابوى سلام يامحمدين سلام ياحسانين في انتظارك يااخويا...

قي رعاية الله...... سلام والي لقاء.

***************************************************

                                      

 

 

 

 

 

الحرباية

محامى في ريعان شبابه أراد منه والديه الزواج ولديه إخوة ذكور وإناث فألحوا عليه بالزواج رغم عزوفه وطموحه في الحياة فشاء القدر أن يرى فتاة بالمحكمة من أسرة متواضعة تعمل في نفس مجال عمله فدخلت قلبه وسحرت عقله بذكاءها ودهاءها وأنوثتها فأراد أن يتزوجها رغم معارضة بعض إخوته من علاقته بهذه الفتاة بسبب تواضع نسبها وعدم توافق العائلتين في الحسب والنسب والأصل لكن كانت هى إرادة الله أن يكون بينهما رباط وميثاق غليظ فاصر هذا الشاب المحامى بالزواج منها وبعد فترة بسيطة تزوجها وكانت زوجته في بداية زواجها منه ملاك بريء ولاتسعي الا خلف مصالحها الشخصية في علاقتها بإخوته وأسرته وكانت تعشق وتحب المال حبا شديدا وكانت بعد زواجها منه أهلها واخوتها هم من يشاركون حياتها ليل نهار وملازمون له في شقته ومكتبه وايضا في دنيته وبعد مرور فترة من الزواج كانت تضع له السم في العسل رويدا رويدا حتى استطاعت أن تدخل الشك والكراهية وفقد الثقة من اخوته وأنها هى التى تحبه وتخاف عليه وحريصة علي حقوقه ومصالحه وشخصه وأمواله وعمله فأرادت أن يكون لها مكتب محاماة كزوجها وان يكون لها كيان ومستقبل فتشاركا سويا وبعد فترة من الزمن استطاعت أن يكون لها بدل من المكتب مكتبين المحماة حتى تستقل هى فى مكتب وهو في مكتب وكل ذلك بتدير من والدها حتى سيطرت عليه بأن يكون كلاهما باسمها بعد تدبير حيلة قذرة علي والد زوجها وأمه بأنها في حاجة شديدة للمال وان عليها ديون فاصطنعت ببيع ذهبها أمامهما حتى تتمكن من الحصول على اموال منهما فى افتتاح المكتب الثانى الخاص بها فرفض الوالدان بيع ذهبها من شدة حبهما لابنهما فاستجابوا لرغبتها والشاب المحامى زوجها في غفلة بعد أن جعلته اصبعا من أصابعها والقرار قرارها بدون أن يشعر زوجها بمكرها فلايتخذا قرارا أو أمرا الا بعد الرجوع إليها ولكن لايحيق المكر السيء إلا بأهله وشاءت الأقدار بعد مرور سنوات من الزواج ليست بكثيرة أن يمنعها الله من الخلفة والذرية فكانت تخاف من أن يتزوج عليها زوجها بسبب عدم إنجابها للأطفال وحدثت بينهما خلافات أسرية عادية كأي أسرة مصرية واستطاعت أن تمنعه من اخوته وأسرته وان تشغله كليا في عمله ووقته حتى لا يجعلونه يتزوج عليها بامرأة أخرى شوقا منهما بأن يكون له طفلا وان يكون اب له أسرة وأطفال فبعد مرور فترة من الزمن تحركت بداخل المحامى الفطرة بأن يكون أبا وله اطفال فكانت تعمل بمكتبه فتيات يتدربن في مكتبه علي المحاماة ففي البداية لم يكن في حسبانه أي مشاعر او حتى التفكير في الزواج إلا أنه ذات يوم جاءت فتاة لمكتبه فيها كل مواصفات الانوثة من الرقة والجمال والذكاء والأدب والأخلاق فلفتت أنظاره وحركت مشاعره بعد أن كانت تعمل في مكتبه لفترة وبعد أن أثبتت نجاحها في أداء عملها فماذا حدث بعد ذلك بين المحامى والفتاة وماذا كان رد فعل زوجته بعد أن علمت بحبه لها وما كان انتقامها منه علمت الزوجة أن زوجها سوف يتزوج عليها من تلك الفتاة التى هى كانت السبب في اختيارها للعمل كسكرتيرة لزوجها فتحرك الوحش والشيطان بداخلها واشتعلت نيرانا تؤجج وتحرق كل من حولها من شدة الغيظ فسرعان ما تحاورت مع الفتاة المسكينة التى لاتملك من أمرها شيئا ولا تبحث الا علي فرصة عمل تثبت فيه وجودها في الحياة وتساعد أهلها في الإنفاق والمساهمة في المساهمة لوالدها المسن لكن تأتى الرياح بما لاتشتهى السفن فألقت تلك الزوجة وابل من الرصاص لتلك الفتاة من الألفاظ والكلمات الجارحة ومحاولة اهانتها واذلالها فامرتها بكل غلظة وقسوة بترك العمل فورا فكانت صدمة لتلك الفتاة التى كانت تصارع مصاعب الحياة حتى جعلتها تذرف الدموع دون أى رحمة اورافة أو إنسانية ولم يهدأ غضبها وسارعت لوالدها الذى كان يعمل غى تجارة غير شرعية فى شركة يمتلكها لتخبره بما حدث من زوجها ورغبته في الزواج دون علمها بسبب عدم خلفتها وانجابها للأطفال واشتياق زوجها لطفل يكون له سندا وانيسا في الحياة فتامر الاب وتلك الشيطانة من كيفية الانتقام من زوجها حتى لايفكر بالزواج من غيرها وهى التى تتحكم في كل الامور لكن سول لهما الشيطان بان يتامروا علي ذلك الزوج المسكين فتحدثت معه بكل غلظة وعيونها توقد نارا وقلبها امتلأ بالكره والحقد والكراهية وبينما هى تتحاور مع زوجها إذ سولت لها نفسها بعلم وتخطيط من والدها الشيطان وبتدبيره فأخرجت اداة حادة كانت بحوزتها فطعنت زوجها عدة طعنات حتى القي مغشيا عليه علي الارض يصارع الموت فلما رأت الزوجة الدم ينزف من زوجها استيقظت من غفلتها وكادت تبكى وتصرخ وانهارت فما كان من والدها إلا أن قال لها دعيه ينزف ويموت ويتعلم الدرس فتستريح من هذا الخائن الغدار وانا معكى وبجانبك فلاتخافي ولاتقلقي ولن يصيبك اى مكروه وانا فى ظهرك وبجوارك لكن سبحان الله مشيئة الله وقدرته أن الله ينجي الله ذلك الزوج من تلك المصيبة إذ بإخوته علي باب شقته لزيارة أخيهم وهم يطرقون الباب فلم يفتح لهم أحد وكانوا يسمعون اهات وبكاء وصراخ وعويل فما كان منهما إلا أن قاموا بكسر باب الشقة

إذ هم يرون أخيهم غارقا في دماءه علي الارض فماذا حدث من الإخوة وماذا كان رد الزوجة والاب وهل عاش الزوج وماذا كان تصرف الزوجة من وجود اخوته واسرته وهما فى تلك الحالة والموقف الذى لم يكن فى حسبانهم وتخطيطاتهم فالهدف من هذه القصة ليس كتابتها أو روايتها أو سردها في كلمات

أو سطور بل هى للاستفادة واتخاذ العبر منها والعظات والاحتياط وان السر يصل لصاحبه مهما طالت الايام أو تباعدت وان الله يكشف الأمور والحقائق والمكر السييء ولا يحيق المكر السييء الا بأهله وان الله يجازى كل عبد بعمله حتى ولو ظن أن الايام ستنسي ما مضى وان الحقيقة ستختفي وان تظن أن كل من حولك غافلون لايفهمون ولا يعلمون فكل الأمور واضحة جلية كوضوح الشمس وسياتي اليوم الذى سترد في المظالم والحقوق الى اهلها وسيحاسب كل من تجاوز حدوده في الوقت المناسب دون رأفة أو رحمة (فليحذر الذين يخالفون عن أمره أن تصيبهم فتنة أو يصيبهم عذاب اليم) ...فبعد أن طعنت الزوجة زوجها بطعنات قاتلة بمساعدة والدها الذى كان يظن أنها طعنات لا تؤذى ولاتسمن من جوع ودرس يتعلمه الزوج حتى يرجع عن فكرة الزواج مرة ثانية وان زوجته الأولي ووالدها واهلها هم الذين انقذوه من الموت وهم الذين ساعدوه وساندوه في محنته الشديدة وان إخوته تركوه في هذه المحنة وشاركوا في محاولة موته طامعين في أمواله ومالديه من مواريث حتى تنال مرادها بالكذب والمكر والخداع وتجعل زوجها في أحضانها وتحاصره من كل اتجاه حتي لايفكر لا في إخوته ولا احد من أهله الا هى وفقط واسرتها .. لكن مشيئة الله هى التى تتحكم في الأقدار ولكن أكثر الناس لا يعلمون ولا يدركون نتيجة أفعالهم واخطائهم لأنهم في غفلة معرضون كل همهم هى مصالحهم الشخصية وحبهم لذاتهم وأنانيتهم ولا يدركون أن الشر حتما سينقلب علي صاحبه وسينقلب السحر علي الساحر وبعد طعنت الزوجة زوجها بطعنات فى جسده ووقع علي الارض غارقا في دمائه لايشعر بمن حوله فوقعت الزوجة ووالدها في صدمة كبيرة ودهشة لأنهم كانوا يريدون أن يلقنوا الزوج درسا لاينساه ويفيق من غفلته لكن حدث مالم يكن في حسبانهم ولا حتى في تخطيطهم وحساباتهم وخافت الزوجة ووالدها أن إخوة زوجها يعلمون بما حدث ويفهمون كل مؤامراتهم وكيدهم وشرهم .. ففوجئت بكسر باب شقتها ودخول إخوة زوجها ووالديه فوجدوا أخاهم ملقي علي الارض مغشيا عليه غارقا في دمائه فما كان من رد فعل الزوجة ووالدها

الاالتمثيل واصطناع الدهشة والصدمة والبكاء وادعائها بالخوف الشديد علي زوجها وتصرخ باعلي صوتها انقذووووه اغيثووووه زوجى سيموووت فسرعان ماحملوه مسرعين الي المستشفى لمحاولة إنقاذه وتم حجزه في العناية المركزة

واتخذ الأطباء كافة الإجراءات لمحاولة إنقاذه وإخوته كل همهم هو إنقاذ أخيهم مما هو فيه فمن هول الموقف وشدته لم يفكروا كيف حدث هذا ومن الذى كان سببا في هذه الجريمة كل هذا لم يكن في حساباتهم ولم يتخيلوا أن الزوجة ووالدها هم القتلة والمجرمين وهم الذين تسببوا في اذيته فالحمد لله فاق الزوج واسترد صحته لكن مع فقدان نسبي في الذاكرة استمر لمدة عامين أو أكثر .. وخلال العامين صارت احداث ومواقف كثيرة من الزوجة ووالدها والأخوة وصارت الحقيقة تنكشف رويدا رويدا ومحاولة الزوجة الاستيلاء علي أموال زوجها وإدارة المكاتب واستغلال لوالديه بالحيل والمكر والدهاء فى الاستيلاء والحصول على اى اموال واستبعاد إخوته عن المشهد وعن كل شيء حتى تتمكن من تأمين نفسها وضمان كل حقوقها والاستيلاء علي كل شيء لحماية نفسها في المستقبل وتخاف أن يعيد الزوج ذاكرته ويعيد ذكرياته من جديد ويستيقظ ويدرك كل ما كان حوله في الماضى والحاضر والمستقبل وكل مخططاتها تصبح هباءا منثورا وان يدرك زوجها خيانتها وكذبها وخداعها وانانيتها وطمعها وأنها ووالدها هما السبب في أذاه وفقدان لذاكرته

.. وسيعلم الذين ظلموا اى منقلب ...

 

 

اهلا وسهلا ومرحبا بكم معنا في حكاوى البيوت  وقصتنا اليوم هى

( المرأة والثعبان)

 ياسر هو شاب من القرى الريفية شاعر وكاتب وأديب وكلامه معسول يعمل في أكثر من مجال ورأيه هو الرأى السديد لايسمع الا لنفسه يملؤه العجب والغرور ولا يرى إلا نفسه متذبذب فكريا غير منضبط في سلوكه وأفعاله تربي في أسرة متوسطة الحال له افكار علمانية ويدخل في كل تعاملاته الدين ليظهر امام الناس خلاف مافي باطنه ويخفي وجهه القبيح ثعبان غارق في سمومه ليقتل كل من حوله بدم بارد باسم الدين ثعلب يلبس ثياب الواعظين تزوج وانجب بنات وبنين وتولي وظيفة حكومية كانت تعمل بين يديه فتيات سحرهن بمعسول كلامه كشاعر وأديب فكان من ضمن هؤلاء الفتيات فتاة جميلة في مقتبل العمر متزوجة منذ شهور قليلة اعجب بها وسولت له نفسه في كيفية الحصول عليها ارضاءا لشهواته ونزواته ورغباته فهل تجاوبت تلك المرأة واستجابت له وهل استطاع أن ينجح في ماكانت تسول له نفسه به هذا مأسوف نعرفه في الحلقة القادمة فنحن ننتظر ردكم وتعليقاتكم وتواصلكم بنا علي الواتساب ت/01159043698

***************************************************

ذكر سيدنا عمر بن الخطاب ذات يوما قولا عن النساء أن نوعا منهم ..كغل القمل .. نعوذ بالله منهم فهؤلاء قلوبهم يملؤها الحقد والغيرة والكره ولاتحب الخير لأحد حتى ولو كانت اختها وتذكر الناس بما ليس فيهم ولسانها لايتوقف عن الغيبة والنميمة وتشيع الفاحشة في العفيفات وتفرق بين الأهل والاحباب همها أن تكون البيوت العامرة خراب ولاتسعي الا لمصالحها ولاترضى بما قسمه الله لها عدوة حتى لنفسها أقدامها شر علي الاعتاب لاتعرف أن لها ربا وليس لها دين وتظن انها ستخلد الي يوم الدين فاحذروا من هذ المارد العظيم وكونوا علي أنفسكم منهم متيقظين وليس بعقولكم غافلين فهذه هى نصيحتى لكل القارئين ونجانا الله وإياكم اجمعين

***************************************************

المرأة والنت

لاحول ولاقوة الا بالله وانا اليه راجعون ...فى ايه ياعديلة ياختى خير ان شاء الله مالك يابت حصل ايه انت كل يوم بمصيبة جديدة قولى بقى ماتخضنيش اكتر من كدة ... أمانى بنت الأنصارى .. مالها هتطلق مين. أمانى.  يالهوى.  تطلق من عويس ولد عوضين ... ليه كدة بسبب الفيس بوك والنت  والواتس والانستحرام والنوم توك قطعة فى النت وسنينه من يوم ما دخل بيوتنا وخربها على الكل هو احنا ناقصين بلاوى البنات والحريم ليل ونهار مفيش معاهم ولا وراهم لا شغلة ولا مشغلة غير الفيس بوك والنت والتوك توك والواتس حاجة تجنن وتحير .. الواحدة ياختى الليل كله سهرانة وتحكى مع ال يسوى وما يسواش اخر قلة ادب وسفالة وجوزها نايم جنبها زى المغفل و بقت مهملة فى بيتها وعيالها وجوزها ومصالحها وكل المشاكل اغلبها فى البيوت حاليا على الفيس بوك ده والنت والواتس والواحدة منا بقت انانية وملهاش غير مصلحتها ونسيت حق زوجها وعيالها  وواجباتها حتى البنات نسيت سمعتها وشرفها وحياءها وادبها ومابتعملش اى حساب لأهلها ولا شرفهم بسبب عدم طاعة الزوجة لجوزها ونسيت ربها وباعت دينها من أجل شهوتها ورغبتها والقلوب ياختى قسيت ونسينا حتى الموت ممكن ييجى فجاة ولا احنا هنا  ولا بنفكر فية وياريت جات على أمانى الأنصارى وبس  ده في حريم وزوجات امثالها  كتير ياعديلة وياريت علي كدة وبس حتى بنات الثانوى والجامعة على الواتساب والفيس والايمو وحاجات تانية كتير غير قلة الادب كمان وعدم التربية ومفيش مراقبة من الام ولا الاب والشباب بيعملوا نفسهم بنات عشان يعرفوا يكلموا البنات وتشتغل بقى العلاقات الغير مشروعة والسفالة باسم الصداقة حاجة اخر قلة ادب والعيل مش لاقى ياكل وابوه بيصرف عليه وقاعد فى البيت عالة ويقعد على النت يحب ويتقندل على دماغه ودماغ الا خلفوه والبنات ما بتصدف عاوزة تتجوز فاكرة الجواز خيلة واملة وبتحلم والبنات بيغيروا اوى من بعض حتى فى قلة الادب ويسهروا للصبح ويناموا النهار كله لاتساعد امها ولا كمان تشوف مصالح بيت ابوها من نضافة واكل ومسيح ويوم طين لما الام تقول لبنتها تعالى اغسلى المواعين او روقى البيت كل ده بيحصل ياعدلات واكتر من كدة ياعديلة ياختى ده بسبب الفيس بوك والنت والواتس البنات بتتواعد مع الولاد ومقابلات وحب وسهوكة واخر قلة ادب والولد اهم حاجة عنده يرضى شهواته ونزواته ورغباته مفيش اى خوف على البنت وسمعتها ويعمل فيها سبع البرمبة ولا سبع الليل ويشوه سمعتها مع أصحابه وسيرتها تبقي علي كل لسان والبنت بتستسلم لعواطفها وتصدق فى الوعود الكاذبة والاحلام الوهمية ..... والحل ايه ياعدلات الحل نرجع لربنا ونتوب ونستغفر ونفوق من الغفلة ونحاسب انفسنا ونفكر بعقولنا قبل قلوبنا وسمعة الزوج والاب والاولاد وسمعة الاخ والاخت وسمعة الأهل و العيلة البنت مثل لوح الزجاج لو انكسر ملهوش تصليح والولد لوغلط واتفضح الناس بتنسى ويقولوا ده شاب طايش بكرة يتجوز ويعقل اما البنت لو غلطت وانكشف سرها واتفضجت سيرتها بتبقى العمر كله على السنة وعقول وافكار الناس ولله الامر من قبل ومن بعد والحل ايه يا اختى ... الحل نعرفه بقي من القراء والمتابعين .... منتظرين الآراء والتعليقات .... لما نشوف في حد سامعنا وبيقرا وبيفهم .. ولا ودن من طين وودن من عجين وبنستعبط ونعمل نفسنا مش فاهمين ولا كلامنا مايخصهمش ... اهو لما نشوف اخرتها ...سلام يالى عليك الكلام ؟

***************************************************

ماشاء الله تشوف البوستات علي الفيس بوك ماشاء الله علي الايمان والبر والتقوى وال يكتب يقول سامحونى وال يوعظ وال ... وال... حاجة حلوة وجميلة بصراحة وتفرح القلوب لكن ليه قولك يخالف فعلك وده ال يحزن بصراحة ايه فائدة صيامك وصلاتك وقرانك واوعاظك وانت حاقد وكاره وحاسد وتتمنى زوال النعم ممن حولك وأنت تنظر لعيوب الآخرين ولسانك لا يتوقف عن النميمة والغيبة والبهتان الا تعلم يامن تدعى العفة والتقوى والايمان أن لك ربا يعلم خائنة الأعين وماتخفي الصدور فانظر لنفسك هل تخادع ربك ام تخادع نفسك ام تخادع الناس حولك الم تعلم ان الله لاينظر الي صوركم ولا الي اجسادكم ولا الي افعالكم بل ينظر إلي قلوبكم فياليتك تقف مع نفسك قليلا وتحاسبها في هذه الأيام الفضيلة ويكون فعلك سابق قولك فلاتكن مثل البيضة الظاهر ابيض والباطن جيفة وتبارز ربك في معاصيك .. ام حسب الذين في قلوبهم مرض أن لن يخرج الله اضغانهم ...فسوف ياتى عليك يوما ان لم ترجع وتتوب .. يظهر الله ماتخفيه عن الناس وتحارب به ربك  فيكشف سترك ويفضحك علي رؤوس الخلائق

نصــــــائح

1 - اذا اردت ان تكتشف نوعية المحيطين بك :

ارمي العظام ستظهر الكلاب ..

ارمي البذور ستظهر العصافير..

ارمي نفسك سيظهرالاصدقاء..

2 - اذا اردت ان تعرف كيف يتحدث عنك الناس في غيابك ، اسمعهم كيف يتحدثون عن الاخرين في حضورك .

3 - اذا اردت ان تعرف اخلاق شخص ، فاستشره او رافقه في السفر .

4 - اذا اردت ان تعرف عقلية شخص ما ، فحاول ان تغضبه ، ثم تابع ردة فعله ،عندها ستعرف مستوى عقله ومكانتك بقلبه وقت الغضب .

5 - اذا اردت ان تبقى عزيزا ، ابتعد عن كل من لا يقدر قيمتك .

6 - اذا اردت ان تعرف حقيقة انسان ، فاعطه مالا اوسلطة ...(مثل انكليزي ).

7 - اذا اردت ان تعرف شيئا عني ، اسالني ، بدلا من ان تسال غيري ، فعشاق التاليف كثيرون .

8 - اذا اردت ان تعرف قيمة السنة ، اسال طالبا رسب في الامتحان النهائي .

9 - اذا اردت ان تعيش حياة سعيدة ، فاربطها بهدف وليس باشخاص او اشياء .

10 - اذا اردت اكتشاف عقل شخص ما ، فانظر اليه كيف يحاور من يخالفه الراي.

**********************************************

ياريت الناس يسيبوك في حالك والاقربون أولهم لكن عيونهم عليك حتى في بسمتك واكلتك وملبسك يحشروا أنفسهم حتى في حياتك بل حتى في ساعات نومك وراحة بالك ليه الحقد والكره والبغض والحسد ده كله علي ايه وهتاخد من دنيتك ايه اخرتها حفرة متر في متر ومترين قماش وحتة قطن ابعدوا عنا شركم ودعوا الملك للمالك اعاذنا الله منكم ومن شركم

*********************************

في ناس كده في حياتنا ربنا ابتلاها بالحقد والغل لا عارفين يحبو الخير لغيرهم ولا قادرين يسيبو الناس في حالها يحسدوك علي

صحتك .. علي رزقك .. علي فرحتك .. علي اولادك.. يحسدوك حتي علي اكلك وعلي طريقه لبسك علي مشيتك حتي علي راحه بالك

اللهم أبعد عنا عيون الحاسدين والحاقدين من خلقك واحفظنا من عيون تراقب حياتنا واكفنا شرها اللهم انَّا نعوذ بك من شرورهم وخبثهم وعيونهم وخبث نواياهم

اللهم اكفينا شر خلقك

****************************

عجيبة يازمن زمان كان امهاتنا يقوموا من الفجر يصلوا ويدعوا ويشوفوا مطالب بيتهم رغم أنه مكنش في لا تكييف ولا غساله اتوماتيك ولا تلاجة ولا وحتى واى فاى وتفطر بدرى وتتغدى قبل الدهر وتتعشى المغرب واخرك لما تنام في العشا ودلوقتى حريم السلطان تصحى الدهر وتفطر بعدها بساعة وتتغدى المغرب وتتعشي نص الليل العيب في مين الرجالة ولا النسوان عليه العوض

*****************************

عندما تقف علي شاطىء البحر تلاطمك الأمواج حتى ولو كنت بعيدا عنها وهكذا حال الدنيا

لا تنظر الي عيوب من حولك لكن انظر الي مميزاته وايجابياته فإذا دفعك الفضول فانظر الي عيوبك اولا  قبل عيوب الآخرين فإن كان لك أعين فلناس أيضا عيون ومن تتبع عورات الآخرين تتبع الله عوراته ولو كان في عقر داره وفضحه علي رؤوس الاشهاد

حسن إسلام المرء تركه ما لا يُعنيه"

سيبك من الناس لا تتتبع عوراتهم

مفيش ملائكة على الأرض....لكن

لو حابب تبدي رأيك وتكون قاضي ومنفذ حكم على تصرفات حد أو سلوكه متعملش كدا غير مع نفسك وبس...بمعني تانى أحكم على نفسك حاسبها إن شاءالله حتى تعاقب نفسك أنت حر

لكن تحكم وتحاكم حد غيرك دا مرفوض

مرفوض ب أمر الله لأنه هو الحكم العدل

مرفوض علشان الاحترام لأن المحترم أول حاجة يعملها أنه يحترم نفسه

مرفوض علشان الرقي لأن الأنسان الراقي لا يصدر أحكام يتآذي بها الآخرين وإن صدق حكمه... لأن حكمك على شييء أو موضوع ممكن تكون سبب بفتنة تولع الدنيا تفسد العلاقات الهشه.. هى فعلا بتكون علاقات هشه لكن ليه تتكلم كلمة وتكون أنت سبب بفسادها خليها تجي بعيد منك...

مرفوض لأن اللى أنت بتحكم عليه أو عليها أنت مش عايش حياته وتفاصيلها وحتى لو عايش معاهم قلبك مش قلبه مشاعرك واحاسيسك مش زيه تحكم عليه ليه وازي....

انشغل بنفسك وبحالك وحياتك...حاسب نفسك

خلى بالك من تصرفاتك أنت مع الناس عاملهم زي متحب هما يعاملوك...عاملهم بكلام دينك

وحتى لو مش عندك ديانة عاملهم ب الانسانية

أحترم الاختلافات والخلافات لترتقي أخلاقك

أبعد عن تناقض المجتمعات فكر تدبر بعقلك ودينك...... التباعد مهم مش بس علشان تحمي نفسك من الأمراض لأ وتحمي نفسك كمان من المشاركة بفتنه لعن الله من أشعلها

كلنا بنغلط علشان إحنا بشر لكن حاول لما تغلط متغطلش بحق حد لو حصل الحق اطلب من ربنا العفوا....الكلام دا طول الوقت بقوله لنفسي قبل مقوله لأي حد

ربنا يصلح الحال للجميع

***************

شاب قلبه مريض كان شغوف بحب الجنس الآخر فحاول ذات يوم أن يسأل فتاة بعد اتصالات ورسالات فقال لها مارايك في الزواج العرفي فنظرت إليه بدهشة واستغراب ماذا تقصد بذلك قال لها احب اعرف رايك فرايك يهمنى فقالت له وهل انا رخيصة في عينيك لهذه الدرجة إذا اردت مافهمته من سؤالك فباب بيتنا مفتوح واطرق بابه فنظر إليها الشاب وقال لها وهل الزواج العرفي عيب أو حرام وأبو حنيفة قال المرأة لها الحق في زواج نفسها دون إذن وليها واستخدم هذا الشاب الدين ستار لكى ينال مراده واستمر بينهما الحوار وستعرف ماكان رد الفتاة في اللقاء القادم وماحكم الزواج العرفي الذى انتشر في الآونة الأخيرة بين الشباب

**********************************

لماذا خلقنا الله ..؟؟وماذا قدمنا لحياتنا ..؟وماهو رصيدك للاخرة وبعد مماتك..؟ وماذا ستقول لربك حين الوقوف بين يديه لسؤالك..؟ وما موقفك حين المرور علي الصراط..؟ فهل سالت نفسك يوما هل ستكون من أهل الجنة ام من أهل النار..؟ أو هل ستكون من الاشقياء ام من السعداء... وهل ستأخذ كتابك بيمينك ام بشمالك ... وهل سياتيك الموت بغتة ام هل ستخلد ..؟ ام هل مازلت تعيش في النعيم وقبرك لا انيس فيه ولا جليس...

للتواصل معنا عبر الواتساب ت / 01159043698

انتهت حكايتنا ولا تنسونا من الدعا ونسال الله ان تنال اعجابكم